录旧作

自识庞庞，勤习沪语。偶有习作，不敢自专。
（小鸭子者，实即狗也）

小鸭子乖乖，最欢喜吃螃蟹
硬的伊吃勿动，一定要吃软壳蟹

小鸭子去买螃蟹，我要拿伊夸一夸
一跑跑到威格曼，看到一排软壳蟹

小鸭子讲买三斤，店员听了勿开心
软壳蟹是论只卖，侬只鸭子拎勿清

小鸭子气得来，一沓钞票掼出来
格埃好买多少只，叫侬经理滚出来

经理一看骇一跳，哪能格能有钞票
小鸭子侬勿要吵，要多少就拿多少

小鸭子别苗头，花了钞票出风头
一千块买三打蟹，小鸭子今朝当冲头

小鸭子回到屋里厢，想想心里有埃慌
三打蟹我吃勿光，快点寻人来帮忙！

叮铃铃，叮铃铃，阿拉电话响不停
拿起听筒喂一声，鸭子讲，今朝名分定一定！